ලබන වසර මුල පළාත් පාලන මැතිවරණය පැවැත්වීමට සැලසුම් කර ඇති බව විදේශ කටයුතු, විදේශ රැකියා සහ සංචාරක අමාත්ය විජිත හේරත් මහතා පවසනවා.
අමාත්යවරයා මේ බව පැවසුවේ අද (23) මහනුවරදී මාධ්ය වෙත අදහස් පළ කරමින්.
එහිදී අමාත්යවරයා පැවසුවේ ශ්රේෂ්ඨාධිකරණයෙන් ලබා දුන් තීන්දුවට අනුව හැකි ඉක්මනින් පළාත් පාලන මැතිවරණය පැවැත්වීමට කටයුතු කරන බවයි.
එමෙන්ම මීට වසර දෙකකට පෙර ලබා දුන් පළාත් පාලන මැතිවරණයට අදාළ නාම යෝජනා වල සිටින අපේක්ෂකයින් ඇතැමුන් මිය ගොස් ඇති අතර, සමහර පිරිස් රට හැර දමා ගොස් ඇති බැවින් ඉදිරියේදී අනෙකුත් පක්ෂ සමඟ ද සාකච්ඡා කොට අලුතින් නාමයෝජනා කැඳවීමට කටයුතු කරනවාද නැද්ද යන්න තීරණය කරන බවයි අමාත්යවරයා පවසන්නේ.
ඉදිරි වසරේ මුල් කාලයේදී පළාත් පාලන මැතිවරණය පැවැත්වීමට සැලසුම් කළද මැතිවරණය පවත්වන දින වකවානු සම්බන්ධයෙන් අවසන් තීන්දුවක් ගෙන නොමැති බව අමාත්ය විජිත හේරත් මහතා වැඩිදුරටත් පැවසීය.
